Veftré     Fyrirspurnir   


Áhugavert efni

Tengdar greinar
Aðalfundur 2007
Announcement
Fjárfestingartækifæri í þróunarlöndum
Aðalfundur ICFA
63. Fiskiþing 2004
Umfangsmikið stjórnunar- og eftirlitskerfi í Svíþjóð
Frá 63. Fiskiþingi
Ótímabærar fregnir af útrýmingu þorsk
Umhverfismerktar sjávarafurðir í vandræðum
NKO fundur á Akureyri
Listin að segja “rétt” frá
NKO fundur á Akureyri
Neðansjávarmyndavél Háskólans á Akureyri
Kvótakerfi og byggðamál
Rússland stækkandi fiskmarkaður
Sjávarútvegsráðherra í heimsókn hjá Fiskifélagi Íslands
Leiðbeinandi reglur um umhverfismerkingar
Dagskrá 64. Fiskiþings
Ályktun 64. Fiskiþings 2005
Að loknu 64. Fiskiþingi
Þorskeldisráðstefna
Greenpeace gerir úttekt á breskum smásölukeðjum
Seafood and Health 2005
Aðalfundir
Faxaflóaferð skólaskipsins
Líffræðileg fjölbreytni eða fiskveiðar?
Af 62. Fiskiþingi
"Hættulegur eldislax"
Færeyska fiskiveiðistjórnunarkerfið
Bioterrorism Act of 2002
Brottkastið
Er “umhverfishyggð” Íslendinga að minnka?
Rannsóknir á Sauðárkróki
Dagskrá 65. Fiskiþings
Ályktun 65. Fiskiþings
Maður ársins hjá IntraFish
Fundur um "umhverfismerkingar"
Hval- og togveiðibann - fyrir hverja?
Læra af Íslendingum að bregðast við brottkasti
66. Fiskiþing 2007
Frá 66. Fiskiþingi
Er ráðgjöf Hafrannsóknastofnunar að bregðast?
Vistaskipti Hafrannsóknastofnunar?
Fiskveiðar og dýravernd
Yfirlýsing um ábyrgar fiskveiðar


Nýir bjargvættir?

Pétur Bjarnason
21. desember 2004

Í norska blaðinu Fiskaren 12. nóvember s.l. er sagt frá því að WWF (World Wide Fund for Nature) hafi náð þeim áfanga að fá áheyrnaraðild að NEAFC sem er svæðisbundin stofnun sem hefur með fiskveiðistjórnun í Atlantshafi norðaustanverðu að gera. Í bréfi sem fulltrúi samtakanna ritar í Fiskaren bendir hann á mikilvægi þess að þrýstihópar eins og WWF séu til staðar, þar sem verið er að semja um fiskveiðistjórnun, og að þau samtök og önnur á því sviði séu nauðsynleg til þess að vega upp þá mikllu áherslu, sem hagsmunasamtök í greininni leggja á arðsemi.

Þessi áfangi sem WWF hefur náð með því að fá að sitja fundi NEAFC er tímanna tákn. Sú stefna er uppi að færa svokölluðum frjálsum félagasamtökum aukið vægi í alþjóðlegri stefnumótun á öllum sviðum. Þetta er gert í  þágu þess að auka lýðræði þótt það sé í mínum huga vandséð hvernig það eykur lýðræði að færa vald til sjálfkjörinna félagasamtaka á kostnað þjóðkjörinna fulltrúa. 

WWF hefur m.a. unnið það sér til frægðar að nota mikla fjármuni til þess að auglýsa stefnu sína gegn fiskveiðum almennt í helstu blöðum heims. Þá hafa samtökin haft frumkvæði að stofnun Marine Stewardship Council, sem hefur tekið að sér að segja neytendum frá því hvaða fiskafurðir sé óhætt að borða án þess að skaða náttúruna. 

Það hlýtur að vera að þjóð sem á jafn mikið undir fiskveiðum komið og við kærkomið -eða hitt þó heldur - að vita til þess, að þessi samtök skuli gegna æ viðameiru hlutverki, þegar kemur að því að ákveða hvað má veiða úr hverjum fiskistofni og hver má kaupa afurðirnar. Þau samtök taka á sig mikla ábyrgð, sem öll ástæða er til að efast um að þau standi undir.

 




Fiskifélagsvefurinn er unnin af Origo ehf.