Veftré     Fyrirspurnir   


Fréttir frá 2002
Yfirlýsing

Tengdar greinar
Dröfnin af stað
Dagskrá 62. Fiskiþings
Aðalfundir
Bioterrorism Act of 2002
63. Fiskiþing 2004
Dagskrá 63. Fiskiþings
Frá 63. Fiskiþingi
NKO fundur á Akureyri
NKO fundur á Akureyri
Aðalfundir
Sjávarútvegsráðherra í heimsókn hjá Fiskifélagi Íslands
Rússland stækkandi fiskmarkaður
Leiðbeinandi reglur um umhverfismerkingar
Ályktun 64. Fiskiþings 2005
Þorskeldisráðstefna
Aðalfundir
Rannsóknir á Sauðárkróki
Faxaflóaferð skólaskipsins
Maður ársins hjá IntraFish
Fundur um "umhverfismerkingar"
Aðalfundur 2007
Fjárfestingartækifæri í þróunarlöndum
Yfirlýsing um ábyrgar fiskveiðar
Skólaskipið Dröfn RE-35 á höfuðborgarsvæðinu í nóvember


Af 62. Fiskiþingi


62. Fiskiþing var haldið föstudaginn 4. apríl.  Þingið, sem bar yfirskriftina "Sjávarútvegur í harðnandi heimi", tókst mjög vel og voru erindi og umræður fróðlegar.  Þetta var 5. fiskiþingið eftir að fyrirkomulagi þess var breytt í þá veru að vera opin málstofa um mál sem varða heildarhagsmuni íslensk sjávarútvegs.  Góð mæting var og er ljóst að Fiskiþing með þessu fyrirkomulagi er búið að festa sig í sessi.

Fyrirlesarar komu víða að að þessu sinni.  Þar ber fyrstan að nefna Svein Berg sem er forstjóri Norska útflutningsráðsins fyrir fisk.  Svein fjallaði um hvernig hans stofnun gætir hagsmuna norskra fiskútflytjenda á mörkuðum. Áherslan er bæði á almenna markaðssetningu þar sem áherslan er á að byggja upp ímynd norsks sjávarútvegs og ekki síður á almannatengsl og "áfalla stjórnun" þar sem tekið er á vandamálum á faglegan hátt.  Fróðlegt var að heyra hvernig Norðmenn standa að þessu og undruðust margir þá fjármuni sem Norska útflutningsráðið fyrir fisk hefur úr að spila, en þeir koma frá greininni sjálfri. En þess ber að geta að þeir telja að fyrir hverja krónu sem þeir leggja í þessa starfsemi fái þeir þrjár til baka. 

Kristján Jóakimsson framkvæmdastjóri vinnslu- og markaðsmála hjá Hraðfrystihúsinu Gunnvör hf. fjallaði um áhrif umhverfissamtaka og umhverfisumræðunnar á sölu og markaðssetningu sjávarafurða.  Fróðlegt erindi þar sem kom fram mikilvægi þess að bregðast við breyttu umhverfi.

Gunnar Pálsson sendiherra og skrifstofustjóri auðlinda- og umhverfisskrifstofu utanríkisráðuneytisins fjallaði um hagsmuni Íslands í því alþjóðasamastarfi sem snýr að auðlindum sjávar.  Sífellt er meira fjallað um stjórnun auðlinda sjávar hjá alþjóðastofnunum hvort sem okkur líkar betur eða verr. Gagnlegt erindi um mál sem á brýnt erindi við forsvarsmenn íslensk sjávarútvegs.

Í lokin voru ákaflega líflegar pallborðsumræður þar sem voru tekin til umræðu mörg mikilvæg mál.

Hér er hægt að nálgast framsöguerindi frá Fiskiþingi.




Fiskifélagsvefurinn er unnin af Origo ehf.