Veftré     Fyrirspurnir   


Fréttir frá 2002
Yfirlýsing

Tengdar greinar
Dröfnin af stað
Dagskrá 62. Fiskiþings
Af 62. Fiskiþingi
Aðalfundir
Bioterrorism Act of 2002
63. Fiskiþing 2004
Dagskrá 63. Fiskiþings
NKO fundur á Akureyri
NKO fundur á Akureyri
Aðalfundir
Sjávarútvegsráðherra í heimsókn hjá Fiskifélagi Íslands
Rússland stækkandi fiskmarkaður
Leiðbeinandi reglur um umhverfismerkingar
Ályktun 64. Fiskiþings 2005
Þorskeldisráðstefna
Aðalfundir
Rannsóknir á Sauðárkróki
Faxaflóaferð skólaskipsins
Maður ársins hjá IntraFish
Fundur um "umhverfismerkingar"
Aðalfundur 2007
Fjárfestingartækifæri í þróunarlöndum
Yfirlýsing um ábyrgar fiskveiðar
Skólaskipið Dröfn RE-35 á höfuðborgarsvæðinu í nóvember


Frá 63. Fiskiþingi

63. Fiskiþing var haldið á Grand Hótel föstudaginn 14. maí.  Þingið bar yfirskriftina “Umhverfis- og markaðsstarf” og voru þar flutt mjög fróðleg erindi um þær breytingar sem eru að vera á markaðinum, og þá sérstaklega hvernig umhverfismálin hafa stöðugt meiri áhrif á viðhorf og hegðun neytenda.

Eftir að Pétur Bjarnason formaður Fiskifélags Íslands hafði sett þingið, ávarpaði Árni M. Mathiesen sjávarútvegsráðherra þingið.  Ron Bulmer, sem er fyrrverandi framkvæmdastjóri Fishery Council of Canada fjallaði á skemmtilegan hátt um þá nýju strauma sem eru allsráðandi á mörkuðum fyrir sjávarvörur.  Ron hefur áralanga reynslu að þessum málum og er þekktur fyrir skarpa sýn á stöðuna. 

Sveinn Víkingur Árnason, sérfræðingur hjá RF fjallaði um rekjanleika sem er atriði sem sífellt verður mikilvægara í markaðsstarfinu.  Erindi Sveins var ítarlegt og fróðlegt. 

Kristján Þórarinsson, stofnvistfræðingur hjá LÍÚ og varaformaður Fiskifélags Íslands fjallaði um umhverfismerkingar á fiskafurðir.  Kristján hefur mikla þekkingu og reynslu á þessu sviði og var erindi hans upplýsandi.

Loks helt Þorgeir Pálsson, rekstrarráðgjafi hjá IMG Deloitte, erindi um hinn “nýja” viðskiptavin.  Skemmtilegt erindi sem vakti menn til umhugsunar.  

Í lokin voru svo pallborðsumræður sem sjónvarpsmaðurinn Sigmundur Ernir Rúnarsson stjórnaði af mikilli snilld.  Í pallborðinu voru auk þeirra Þorgeirs Pálssonar og Kristjáns Þórarinssonar sem áður hafa verið nefndir, þeir Kristján Davíðsson, aðstoðarframkvæmdastjóri HB-Granda hf., Eyþór Ólafsson, forstjóri E. Ólafsson ehf. og Indriði Ívarsson, sölustjóri hjá Ögurvík hf.  Umræðurnar voru líflegar og komu margar fyrirspurnir utan úr sal.   

Fiskifélag Íslands þakkar öllum þeim sem tóku þátt í 63. Fiskiþingi fyrir þátttökuna. 

Þau erindi sem flutt voru á Fiskiþingi og eru tiltæk má nálgast hér.




Fiskifélagsvefurinn er unnin af Origo ehf.