Veftré     Fyrirspurnir   


Fleiri Pistlar

Tengdar greinar
Umfangsmikið stjórnunar- og eftirlitskerfi í Svíþjóð
Ótímabærar fregnir af útrýmingu þorsk
Umhverfismerktar sjávarafurðir í vandræðum
Listin að segja “rétt” frá
Neðansjávarmyndavél Háskólans á Akureyri
Nýir bjargvættir?
Kvótakerfi og byggðamál
Seafood and Health 2005
Líffræðileg fjölbreytni eða fiskveiðar?
“Stórhættulegur” eldislax
Hvenær er fallegt fallegast?
Óðurinn til fáfræðinnar
“Hvalveiðar eins og að skjóta á húsdýr”
Misskilningur um afstöðu til hvalveiða
Brottkastið
Hval- og togveiðibann - fyrir hverja?
Læra af Íslendingum að bregðast við brottkasti
Er ráðgjöf Hafrannsóknastofnunar að bregðast?
Vistaskipti Hafrannsóknastofnunar?
Fiskveiðar og dýravernd
Yfirlýsing um ábyrgar fiskveiðar


Er “umhverfishyggð” Íslendinga að minnka?

Pétur Bjarnason
31. mars 2004
 
Sennilega var það tilviljun að það bar upp á svipaðan tíma að kynnt var í fjölmiðlum niðurstaða rannsóknar um að umhverfishyggja Íslendinga væri að minnka og að leiðrétta þurfti fulltrúa svokallaðra umhverfisverndarsinna oftar en einu sinni um hvað birst hafði opinberlega um hvalarannsóknir Íslendinga 1986 til 1989 þegar stundaðar voru vísindaveiðar á hval við Ísland.

Því var haldið fram að ekkert hefði um þær rannsóknir frést opinberlega. Starfsmenn Hafrannsóknastofnunar leiðréttu þetta og virðist ljóst að sennilega hafa þessar vísindaveiðar lagt meira af mörkum til þekkingar á fæðuvali hvala en nokkur önnur aðgerð og er þó enn mikilvægt að auka við vitneskjuna. Í þetta sinn voru það samtök, sem kalla sig International Fund for Animal Welfare, sem komu málinu á framfæri en þetta var hvorki í fyrsta né annað sinn sem leiðrétta þurfti svokallaða umhverfisverndarsinna í þessu máli og það er ómögulegt að trúa því að ekki hafi verið fullyrt gegn betri vitund.

Ég held að alvöru umhverfisverndarsinnar þurfi að hugleiða hvort ekki sé hugsanlegt samhengi á milli hárra upphrópanna, þar sem lygi, hálfsannleikur, innistæðulausar fullyrðingar og dylgjur gefa oft tóninn, og þess að Íslendingar, sem lifa í nánara tengslum við náttúruna en flestar þjóðir, skuli sýna minnkandi “umhverfishyggð” eins og umhverfisvernd birtist nú um stundir. Jakop Björnsson fyrrverandi orkumálastjóri setti í Mbl. 8. mars, s.l. fram kenningu um af hverju svo er komið, þar sem hann segir að áróðurinn gegn Kárahnjúkavirkjun hafi þegar verst lét haft áhrif í þessa veru. Ég held að talsvert sé til í þeirri kenningu enda voru mótrök sem Árni Finnson notað í svargrein í sama blaði þremur dögum síðar ekki sannfærandi.

Íslendingar eru umhverfisverndarsinnar. Ekki bara af hugsjón heldur einskærri nauðsyn. Þeir sem eru jafn háðir umgengni við náttúruna og Íslendingar geta ekki annað en verið umhverfisverndarsinnar. Það þýðir ekki að ekkert megi gera. Hinn viti borni maður þarf að meta og vega öll inngrip í náttúruna, - hverju er fórnað og hver ávinningurinn er - og átta sig á að sum inngrip eru nauðsynleg. Mér finnst Jakop Björnsson hafa á vettvangi Mbl. oft bent með skynsamlegum hætti á þessar staðreyndir. Ég held að svarið við spurningunni í fyrirsögn þessarar greinar sé neitandi en hitt er líklegt að Íslendingar taki í meiri mæli en áður fullyrðingar um umhverfisvernd með fyrirvara.

Geinin birtist í Morgunblaðinu í mars 2004




Fiskifélagsvefurinn er unnin af Origo ehf.